തട്ടിപ്പും വെട്ടിപ്പും – രണ്ടാം ഖണ്ഡം…

അങ്ങനെ സന്തോഷമായി മുന്നോട്ട് പോവുമ്പോഴാണ് പല കൂട്ടുകാരും പലവഴിക്കായത്. ആ കാലഘട്ടത്തിൽ ലൈസൻസൊന്നും ഇല്ലങ്ങലും അമ്മയുടെ സ്കൂട്ടി ഞാൻ നല്ല രീതിക്ക് ഉപയോഗിച്ചിരുന്നു. അതിന്റെ ഭാഗമായി പലവട്ടം പോലീസുമായി തത്സമയ സംപ്രേഷണത്തില് ഏർപ്പെടേണ്ടി വന്നു. ഫൈൻ വന്നപ്പോ വീട്ടുകാർ കൈ മലർത്തി. പക്ഷെ പ്രായപൂർത്തി ആവാത്ത മകന് വണ്ടി കൊടുത്തതിനു കേസ് അവരുടെ പേരിലാണ് എന്ന് ഞാൻ അറിയിച്ചപ്പോൾ, അവർക്ക് എന്നെ സഹായിക്കയല്ലാതെ വേറെ വഴിയില്ലാണ്ടായി.ഫൈൻ അടച്ചുവന്നപ്പോൾ അവരെന്നോട് ഒരു കാര്യം പറഞ്ഞു. “ഇനി ലൈസൻസ് എടുക്കാണ്ട് ഈ വണ്ടി തൊട്ടാൽ നിന്റെ മുട്ടുകാല് തല്ലിയൊടിക്കും”

പക്ഷെ അപ്പോഴും,അടുത്തുള്ള പമ്പിൽ പോയി പെട്രോൾ അടിച്ചു വണ്ടി കൊണ്ടുവെക്കാനുള്ള ചുമതല ഇടക്കും തലക്കും എനിക്ക് ലഭിച്ചിരുന്നു.ചെലവ് കൂടിക്കൊണ്ടിരുന്ന കാലമായിരുന്നു, ഞാനാണെങ്കിൽ പൈസക്കുള്ള ഓപ്ഷൻസ് തപ്പി നടക്കണ സമയോം.പഴേപോലെ പലചരക്ക് അഴിമതി ഒന്നും വർകൗട്ട് ആവുന്നില്ലായിരുന്നു.വണ്ടിയെ പറ്റിയും, മൈലേജിനെ പറ്റിയും അമ്മക്ക് വലിയ ധാരണ ഇല്ല എന്ന കാര്യം മൊതലെടുക്കാൻ ഞാൻ തീരുമാനിച്ചു.100 രൂപയ്ക്കു പെട്രോൾ അടിച്ചുവരാൻ പറഞ്ഞാൽ, ഞാൻ 70നെ അടിക്കുള്ളൂ. അത് ഒരു സേഫ് കളി ആയിരുന്നു. ടാങ്ക് തൊറനോക്കി പെട്രോൾ ഇണ്ടോ ഇല്ലേ എന്നൊന്നും ആരും നോക്കാൻ പോണില്ല.

ഞാൻ അത് ഒരു സ്ഥിരം കലാപരിപാടിയാക്കി.എന്നെ കണ്ടാൽ തന്നെ പമ്പിലെ ചേച്ചി 70അമർത്തുമെന്ന നിലയായി.പൈസക്ക് ആവശ്യമുണ്ടെങ്കിലും ഇല്ലെങ്കിലും ഞാൻ 70നെ അടിക്കുള്ളൂ എന്നായി. അങ്ങനെ ചെയ്യാതിരുന്നാൽ ഒരു മനഃസമാധാനകേടുപോലെയായി എനിക്ക്. ഒടുവിൽ 100ന് അടിച്ചാൽ ഇത്രേ കിട്ടുള്ളൂ എന്ന തോന്നലായി വീട്ടുകാർക്ക്. ഇടയ്ക്കു മറ്റാരേലും അടിച്ചാൽ, ഞാൻ പിന്നെ അടിക്കുമ്പോൾ 70 എന്നുള്ളത് 60 വരെ ആക്കി കുറയ്ക്കും. അത് ബോണസ് ആയിരുന്നു. ഇത് കാലങ്ങളോളം തുടർന്നു. ഒടുവിൽ ഞാൻ ലൈസൻസ് എടുത്തു. അപ്പോഴും എന്റെ ഈ ശീലം മാറിയില്ല.

അങ്ങനെ ഒരിക്കെ അമ്മയെ സ്കൂളിലാക്കാൻ അപ്പൻ എന്നോട് പറഞ്ഞു. അപ്പൻ കാറുമായി എങ്ങോട്ടോ പോയി. എന്റെ ബൈക്കിന്റെ പൊറകിൽ കയറാൻ അമ്മയക്ക് പേടിയാണ്. ഒടുവിൽ അമ്മയുടെ സ്കൂട്ടി എടുത്ത് ഞാനും അമ്മയും പോയി. പെട്രോൾ അടിച്ചട്ട് പോവാമെന്ന് അമ്മ പറഞ്ഞു.വെറുതെ ഒരു 30രൂപ ലാഭം കളയണ്ട എന്ന് വെച്ച് ഞാൻ അമ്മയോട് പറഞ്ഞു : “അതൊക്ക തിരിച്ചുവരുമ്പോ ഞാൻ അടിച്ചോണ്ട്, പൈസ തന്നേച്ച മതി”.പക്ഷെ അമ്മ സമ്മതിച്ചില്ല, “വണ്ടി പമ്പിൽ കേറ്റടാ” എന്ന് അമ്മയും. ഒടുവിൽ എനിക്ക് വണ്ടി പമ്പിൽ കേറ്റേണ്ടി വന്നു. നമ്മള് സ്ഥിരം പോവണ പമ്പാണ്‌. അവട എത്തിയ ഉടനെ പമ്പിലെ ചേച്ചി എന്നോട് ചോദിച്ചു : “മോനെ 70നല്ലേ?” കൗതുകത്തിൽ അമ്മ പമ്പിലെ ചേച്ചിയോട് ചോദിച്ചു : “അതെന്താ അങ്ങനെ ചോദിച്ചേ?” ചേച്ചി മറുപടി പറഞ്ഞു : “അതെന്ത് ചോദ്യമാണ് ചേച്ചി, ഇവൻ വര്ഷങ്ങളായിട്ട് ഈ വണ്ടീല് 70അല്ലെ അടിക്കണേ, ഒന്ന് പറഞ്ഞോടക്ക് മോനെ.. !!.”

അമ്മ എന്റെ മൊഖത്തോട്ട് ഒന്ന് നോക്കി. ഞാൻ നാടോടിക്കാറ്റ് സില്മേല വിജയന്റെയും ദാസന്റെയും പോലെയായി.”ഇന്നലെ ഞങ്ങളില്ല സർ “. അമ്മ പറഞ്ഞു “വണ്ടീമിന്ന് ഇറങ്ങട, ഞാൻ തന്നതാനെ പോയ്‌ക്കോണ്ട്, എന്റെ മോനു വേറെ പണി ഒന്നുമില്ലലോ, പിന്നെ കയ്യില് കൊറേ പൈസയൊക്കെ കാണൂലോ. ഒരു ഓട്ടോ വിളിച്ച് വീട്ടിലേക്കു പൊക്കോ “.ഞാൻ അമ്മയോട് ചോദിച്ചു : “എന്നെ ഇവിടെ ഇറക്കിവിടാതിരിക്കാൻ പറ്റുവോ, ഇല്ലാലെ”. “ഇല്ല” എന്ന് അമ്മയും. എന്റെല് പൈസ ഒന്നും ഇല്ലാർന്നു. ഞാനൊരു ലിഫ്റ്റടച്ച് വീട്ടിലേക്കു പോയി. പിന്നീടൊരിക്കലും വീട്ടിലെ ആരും എന്നെ കൊണ്ട് ഒരു വണ്ടീലും പെട്രോൾ അടിപിച്ചട്ടില്ല.

©2020 robusta

Published by Jimmy John

After a long term of boredom becoming a boredom. I think it's time to show up. A young lad who gave upon impressing people, instead loves to share, express and communicate those raw thoughts and vague imaginations with all readers, friends and folks.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create your website with WordPress.com
Get started
%d bloggers like this: